Die prosa van die twede Afrikaanse beweging
In hierdie proefskrif, in 1922 aan die Universiteit van Amsterdam verdedig, ondersoek P. C. Schoonees stelselmatig die prosa van die Tweede Afrikaanse Beweging. Hy skets eers die historiese en kulturele agtergrond — die verskil met die Eerste Beweging, die rol van die Kalvinisme, en die gevaar van isolasie — en bespreek dan die vernaamste skrywers en hul werk. Van polemiese geskrifte en tydskrifprosa soos in Die Brandwag en Die Huisgenoot beweeg hy na G. R. von Wielligh, en daarna na die romans, verhale en sketse van onder andere J. H. H. de Waal, D. F. Malherbe, Jochem van Bruggen en C. J. Langenhoven, met deeglike aandag aan inhoud, karaktertekening, styl en taal.
Die werk is 'n vroeë, gesaghebbende oorsig van die jong Afrikaanse letterkunde en haar groei tot 'n volwaardige kultuurtaal. Geskryf in die moedertaal self, weeg dit krities die estetiese waarde van elke skrywer en bly dit 'n onmisbare bron vir wie die ontstaan en ontwikkeling van die Afrikaanse prosa wil verstaan.
How it begins
TER VERKRIJGING VAN DE GRAAD VAN DOCTOR IN DE LETTEREN EN WIJSBEGEERTE AAN DE UNIVERSITEIT VAN AMSTERDAM, OP GEZAG VAN DE RECTOR-MAGNIFICUS DR. P. ZEEMAN, HOOGLERAAR IN DE FAKULTEIT DER WIS- EN NATUURKUNDE, IN HET OPENBAAR TE VERDEDIGEN IN DE AULA DER UNIVERSITEIT OP VRIJDAG 17 NOVEMBER 1922, DES NAMIDDAGS TE 3 UUR DOOR PIETER CORNELIS SCHOONEES, GEBOREN TE UNIONDALE, ZUID-AFRIKA. AMSTERDAM Drukkerij en Uitgeverij MCMXXII J.H. DE BUSSY. Aan my vrou en kinders . VOORWOORD . Wanneer ek van die laaste skof op die akademiese pad terugblik, dan is dit my 'n aangename plig om die Here Hooglerare van die Fakulteit van Lettere en Wysbegeerte te bedank vir die onderwys wat ek gedurende enige jare kon ontvang. Besonderlik wil ek U, hooggeleerde Prinsen , my geagte promotor bedank vir u voortreflike leiding, waaraan my dissertasie veel te danke het . Ook aan U, hooggeleerde Boer, Brugmans en Stoett wens ek my opregte dank uit te spreek vir die inleiding in die hoëre taal- en historiese wetenskap. Die welwillende belangstelling wat U steeds in my studie getoon het, sal altoos vir my 'n aangename herinnering wees. Aan U, hooggeleerde Six, Swaen en Scholte betuig ek ook my erkentelikheid . Dat ek my proefskrif in my moedertaal kon skryf, is 'n voorreg wat ek baie op prys stel .
Text from Project Gutenberg, public domain.