Clipsrymkes
Clips-Rymkes is in bondel koarte, skerpe rymkes fan Here Gerrits van der Veen út 1845. De skriuwer leit yn it foaropwurd út wêrom't er se sa neamt: krekt as in eclips yn de natuer makket eltse rymke de wrâld in bytsje tsjuster, in bedutsen rântsje dat de lêzer sels oan it ljocht bringe moat. Op alfabetyske folchoarder — Abbecaet, Adeldom, Apel, Begjin, Bewiis, Charon en sa fierder — jout er op elk wurd in spitich, dûbelsinnich ferske dat de lêzer twa kear lêze lit foardat de stikel sit.
It boek is hekeldichtkeunst yn it Frysk: ûnder it boartlike wurdboartsjen sit krityk op rjocht, adel, jild en frommens, dêr't de skriuwer himsels likegoed net bûten hâldt. It docht der ta as iere Fryske satire dy't de taal en de moed liet sjen om mei in glimke de eigen tiid en de minsklike swakte te beljochtsjen.
How it begins
Clips-Rymkes! scille jimme wol sizze, Læsers ! Clips-Rymkes? dat is tjuster. Just , tjuster is 't, in dat woe 'k eack mey dit wird to kennen jaen. Ick hoopje mar, dat it jinge jimme fierder sjen scille , ljeacht wirde mey; in dat 't jimmen net giet, as mey 'n hopen buwcken, mey ljeachte opschriften (titels) in tjustere ynhalden . Freget min lyckwols neyer uetlizzinge fen 't wird, ick scil myn bæst er op dwaen, muwlk wirdt it yn allen sa klaer net, as oare foärredens: now, den mat dit eack mar ien clips-wirdtje foäraof hjitte . De Hollâners neame socke rymkes Snavel-, ( by forkoärtinge : snel, eygentlick beck, snou-) Punt- as Hekeldichtjes; as leawwer: hwat hja mey dy trye wirden sizze wolle, siz ik mey dit iene. Eclips, as lyck as wy , Friezen, sizze : Clips-rymkes binne it, it iene is wol hwat tjusterer (bedeckter) as 't oare, mar allegeärre draeye se sa folle wol, dat er hjirre as dære altiid wol ien rântje beditsten wirdt; howol 't ick just net op ien prick aof wil , ho 't it draeit, as ho 't it snijdt, declineert, aofwycket, neyerkomt, op graeden, menueten in seconden aof, lyck as de loftgeleerden in hymelkindigen.
Text from Project Gutenberg, public domain.