Y ddwy chwaer: Ffeithiau hanesyddol
Yn 1536, yng nghyfnod cythryblus teyrnasiad Harri'r Wythfed, mae dwy chwaer yn byw mewn bwthyn unig ar arfordir dwyreiniol Caint, lle mae'r môr a'r creigiau ysgythrog yn bwrw arswyd dros bopeth. Mae Kate, yr hynaf, yn caru Ernest — gŵr a fu unwaith yn uchel ei barch yn llysoedd y brenin ond sydd bellach yn herwr ar ffo, ei fywyd wedi ei fforffedu a gwobr ar ei ben. Tra bo Kate yn ymboeni am ei diogelwch ef ac yn ofni pob dieithryn, mae'r ieuengaf, Mary lawen, yn cael ei swyno gan ymwelydd boneddigaidd sy'n glanio'n gyson yn ei fad bychan. O dipyn i beth, daw'r dieithryn hwn yn rhan o'u bywyd unig.
Stori am gariad dan gysgod perygl ydyw, gyda'r môr a'r unigedd yn drosiad am ofnau'r galon. Trwy gyferbynnu prudd-der Kate a difyrrwch Mary, mae'r llyfr yn archwilio teyrngarwch, ffyddlondeb a chostau dilyn y galon mewn oes lle gallai un cam ddwyn gwarth ac angau. Mae'n bortread teimladwy o ddewrder merched a bregusrwydd cariad mewn cyfnod creulon.
How it begins
Yn y flwyddyn 1536, yn ystod teyrnasiad yr anwadal a'r nwydlawn frenin, Harri yr Wythfed, pan nad oedd dyogelwch dynion, a meddianau ond drychfeddyliau gogoneddus yn ymddangos yn unig ar glogwyni breuddwydion y nos, neu yn hofran yn ngwaelodion cymoedd dychymygion y dydd, i broffwydi a beirdd, safai y bwthyn isel cyffredin a gwledig yr olwg arno, ar lan y môr ar ochr ddwyreiniol Kent. Yr oedd ei sefyllfa yn unig i'r eithaf; y môr eang o'i flaen, yn chwythu ei ewyn i fynu i'w ffenestri, a rhu y tonau oddidano, wrth ymosod ar y creigiau ysgythrog ac oesol, yn peri i ddaear a nefoedd ymddangos, y naill yn gwgi a'r llall yn crynu o arswyd. Yr oedd yr holl olygfa gan fynychaf yn peri braw a synedigaeth.
Text from Project Gutenberg, public domain.