Agawan ng Dangal
Agawan ng Dangal, ikatlong aklat na inilathala ng Lupon ng mga Manunulat ng "Kami Naman," ay isang nobelang tagalog na sinulat ni Bb. Fausta Cortes, isa sa mga babaeng manunulat ng kanyang panahon. Inihahain ng akda ang isang kuwentong umiikot sa pag-aagawan ng dangal at karangalan—ang mapanganib na pagnanasa ng ilang tao na makamtan ang papuri at kapangyarihan, kahit na isakripisyo ang dangal ng iba. Sa simpleng pananalita at taos-pusong layuning aliwin ang mambabasa, isinasalaysay ng kumatha ang masalimuot na sigalot na bunga ng kasakiman, pagmamaimbot, at maling pagpapahalaga sa imbing karangalan.
Higit sa pagiging aliwan, ang aklat ay isang malinaw na salamin ng katalinuhan at lakas ng kababaihang Pilipino, na lumitaw sa panahon ng pag-usbong ng feminismo sa bansa. Pinupuna nito ang kamalian ng walang habas na pagnanasa sa dangal at ang pagwawalang-bahala sa kapwa. Mahalaga ang akdang ito bilang patunay na ang babae ay hindi lamang palamuti ng tahanan kundi isang tunay na lakas ng lahi—may karapatan at kakayahang makapag-ambag sa pagbubuo ng bayan at sangkatauhan.
How it begins
Kapatid : ¡Kay laking pagkabigó mo! Oo, nabigo ka; sapagka’t kaya mo binili at babasahin itong Agawan ng̃ Dang̃al , ay sa paniniwala mong ito ay kagaya ng̃ mg̃a nabasa mo nang akda, na pawang mahahalaga at matatamis. Samantalang ang Agawan ng̃ Dang̃al ay dahóp na dahóp sa palamuti ó hiyas na iyán. Salat sa matatamis na pananagalog. Dukha sa matatayog na isipan. Kapós sa mararang̃al na turo. Paano’y ako sa Lupon ng̃ mg̃a Manunulat ng̃ “ Kami Naman ”, ay isang baguhan sa larang̃an ng̃ panulat. Lakas-loob lamang ang umakay at nagbunsod sa akin. Gayón ma’y naniniwala akóng pakikinabang̃an mo upang gawing aliwan. At huwag nawang kumupas ang kapuripuri mong pagmamahal sa wikang tagalog. Ang Kumatha. PATALASTAS Ang AGAWÁN ÑG DAÑGAL ay siyáng ikátlóng aklat ñg Aklatan ñg “Kamí Namán” na pinalabás ñg Lupon ñg mga Manunulat. Una ang “ Tagumpay ñg Apí ” ni Bb. Pascuala Pintor at ikalawá ang “ Tuntunin ñg Pulong ” ni G. Rosendo S. Cruz. Ang AGAWÁN ÑG DAÑGÁL ay ipinagbibilí sa lahát ñg bilihan ñg aklat dito sa Maynila, sa halagáng dalawang piseta (₱0.40) ang bawa’t salin. Ang AGAWÁN ÑG DAÑGÁL ay mababasa rin ñg mga na sa lalawigan, kung magpapadalá ñg halagáng isáng salapi (₱0.50) kay Bb. Carmen de la Rosa sa Aklatan ñg “ Kamí Namán ”, 1045, daang Dart, Pako, Maynila, K. P.
Text from Project Gutenberg, public domain.