Punicorum Libri Septemdecim
In undeviginti carminis libris Silius Italicus Punicum bellum secundum canit, quod Romani cum Carthaginiensibus gesserunt. Incipit ab Hannibalis iuramento atque Sagunti excidio; deinde Alpium transitum, Ticini Trebiaeque proelia, Trasimeni cladem ac Cannensem stragem persequitur. Fabium cunctantem, Paulum cadentem, Marcellum fortem, Scipionem denique victorem inducit, donec apud Zamam Hannibal fundatur et Roma triumphat. Per haec dei hominesque miscentur, more Homerico et Vergiliano, et Hannibal velut Aeneae adversarius effingitur.
Carmen historiam epico ornatu vestit, ut virtus Romana, fides, pietas et patientia adversis rebus elucescant. Crudelitati Punicae opponitur constantia maiorum, qui dolore ac sanguine imperium servarunt. Quamquam Silius a viris doctis saepe neglectus est, tamen Vergilii imitator studiosus res gestas memoria dignas posteris tradidit, et exemplum praebet quo antiqui mores, amor patriae victoriaque virtute parta laudentur atque imitanda proponantur.
How it begins
Ut in Editione nostra Livii publicanda antesignanum et ducem secutus sum Cl. Ruperti , ita in edendo atque illustrando C. Silii Italici poemate ad ejusdem auspicia et vexilla volui me convertere, quia, ut aiebat Heynius in præfatione (quam ad calcem operis rejiciam), ille in Silio interpretando operam posuit tam doctam et accuratam, ut æqui judices inter meliores eum habituri sint interpretes, qui criticam sollertiam cum interpretandi subtilitate præclare conjunxerit. Mens quidem aliquando mihi fuerat, quum de Silio Italico bene mereri vellem, in hac editione novum de integro laborem exantlare, perpetuasque adnotationes proferre, quas ideo ad concinnandas adjutorem quærebam, et jam virum omni doctrinarum supellectile adornatum, ut in id opus se accingeret, invitaveram. Antiquorum enim poetarum, viri docti nullum fere magis, quam Silium, neglexere, et, qui optime etiam de eo meriti sunt, ad interpretationem tamen carminis parum contulere, omnemque pæne operam in critica ejus tractatione posuerunt. Quicumque igitur editionem, Silio dignam, meditatur, ei nova adeoque lubrica via ingredienda; et non contextus tantum, quam et accuratissimo et modestissimo potissimum judicio fieri potest, constituendus, sed poeta etiam perpetuo inprimis commentario illustrandus est. Ea sunt quæ Cl. Ruperti sibi proposuit et perfecit: cujus operam quo attentius legi ac perpendi, eo magis visum est, frustra me operam impensamque consumpturum, quum tales forent in manibus opes. Sagacissimi enim ingenii vir, ipsum poetam perpetuis commentariis illustrare, et lectionem carminis, cujus omnem varietatem enotavit, ad fidem codd.
Text from Project Gutenberg, public domain.