Philosophiae Naturalis Principia Mathematica
Philosophiae Naturalis Principia Mathematica, anno MDCLXXXVII a Isaaco Newtono in lucem edita, totam naturae rationem mathematicis legibus subicit. Tribus libris distincta, prius motus corporum et vires generales accurate demonstrat; deinde corpora in mediis resistentibus tractat; postremo systema mundanum explicat, ubi ex phaenomenis caelestibus vis gravitatis derivatur, qua corpora ad Solem Planetasque tendunt, et inde motus Planetarum, Cometarum, Lunae Marisque deducuntur.
Opus hoc, Mechanicam rationalem cum Geometria coniungens, ostendit quomodo a phaenomenis motuum vires Naturae investigentur et ex viribus reliqua phaenomena demonstrentur. Auctor formis substantialibus qualitatibusque occultis reiectis, novam philosophandi methodum instituit, qua una lex gravitationis universalis caelum terramque complectitur. Hinc fundamenta scientiae recentioris orta sunt, et nemo postea naturam eodem modo intellexit; quare inter maxima humani ingenii monumenta merito numeratur, lectoremque adhuc ad veritatem investigandam invitat.
How it begins
A few typographical errors have been corrected. They appear in the text like this , and the explanation will appear when the mouse pointer is moved over the marked passage. {Braces} are inserted by the Transcriber to clarify the meaning of maths expressions. Overlining is the method of grouping used in the original. PHILOSOPHIÆ NATURALIS PRINCIPIA MATHEMATICA Autore IS. NEWTON , Trin. Coll. Cantab. Soc. Matheseos Professore Lucasiano , & Societatis Regalis Sodali. IMPRIMATUR. S. PEPYS, Reg. Soc. PRÆSES. Julii 5. 1686. LONDINI, Jussu Societatis Regiæ ac Typis Josephi Streater . Prostat apud plures Bibliopolas. Anno MDCLXXXVII. ILLUSTRISSIMÆ SOCIETATI REGALI a Serenissimo REGE CAROLO II. AD PHILOSOPHIAM PROMOVENDAM FUNDATÆ, ET AUSPICIIS POTENTISSIMI MONARCHÆ JACOBI II. FLORENTI. Tractatum hunc humillime D.D.D. IS. NEWTON. PRÆFATIO AD LECTOREM. Cum Veteres Mechanicam (uti Author est Pappus ) in verum Naturalium investigatione maximi fecerint, & recentiores, missis formis substantialibus & qualitatibus occultis, Phænomena Naturæ ad leges Mathematicas revocare aggressi sint: Visum est in hoc Tractatu Mathesin excolere quatenus ea ad Philosophiam spectat. Mechanicam vero duplicem Veteres constituerunt: Rationalem quæ per Demonstrationes accurate procedit, & Practicam . Ad practicam spectant Artes omnes Manuales, a quibus utiq; Mechanica nomen mutuata est. Cum autem Artifices parum accurate operari soleant, fit ut Mechanica omnis a Geometria ita distinguatur, ut quicquid accuratum sit ad Geometriam referatur, quicquid minus accuratum ad Mechanicam . Attamen errores non sunt Artis sed Artificum.
Text from Project Gutenberg, public domain.